Ek het Vrydag aand Avatar in 3D gaan kyk, hier is my review:
Goed so ek het die trailers gesien op die web lank voor die fliek uit was en dit het goed gelyk maar nie "out of this world" awesome nie.
Die font wat hulle vir die fliek gebruik is "Papyrus" en glo my in die ewige kritiese design wereld is dit 'n groot no no!
So ek het in die fliek in gegaan redelik excited maar tog 'n bietjie skepties...
En dis presies wat hulle wou gehad het...
Deesdae word die beste dele van die fliek als uit gespoeg in die trailers en as jy die fliek gaan kyk dan stel dit teleur. Avatar se trailers was understated en dit maak dit net nog so meer WOW as jy dit gaan kyk.
Dis James Cameron se terugtog in Sci-Fi na amper 12 jaar. En hy stel weer die voorbeeld vir toekomstige 3D CGI flieks
Gaan kyk dit, want dit stel nie teleur nie. En as jy rerig die fliek wil waardeer in al sy glorie gaan kyk dit op die grootste screen wat jy kan in 3D
Die fliek is gemaak daarvoor. Nog nooit in my lewe het ek 'n fliek gesien met soveel detail en kleure en geure nie. Dit is 'n "eye candy" galore!
Die storie loop so:
Jake Sully(Sam Worthington) is 'n eks marine wat verlam is in sy bene, hy word dan in die Avatar program in gegooi na 'n gebeurtenis.
Die storie speel af op Pandora waar daar 'n rare metaal is wat verkoop vir $20 Miljoen per kilo.
Die projek word belemmer want die inwoners van die eiland(Na'vi) wil natuurlik nie die humans daar he nie.
Die ander probleem is dat die humans nie kan asem haal op die planeet nie.
So toe kweek die humans hulle eie(ten duurste) Na'vi ligame wat dan kan "bestuur" word deur 'n mens deur 'n neural link.
Jake Sully word dan in twee geskeer tussen die eiland inwoners en sy eie mense.
So die storie is bietjie Pocahontas en Dances with wolves maar dit was nog steeds genoeg gewees om my in te trek vir die hele 160 minute.
Pandora...dit is waar Cameron se nuwe fliek rerig wys waarvan hy gemaak is. Dis 'n eiland met 'n woud effek en snaakse kleurvolle diere.Veral die aand dele waar als glans en gloei is rerig 'n visuele fees vir die oog.
Wat Cameron gedoen het in die fliek is om 'n hele ander nuwe wereld te skep met hulle eie taal en karakters ens. Dit is baie soos wat Lucas gedoen het met Star Wars maar met 'n baie baie groter budget!
So in totaal gaan sien die fliek al is dit net vir die special effects maar sien dit in 3D, dit maak 'n groot verskil. Na al die hype was dit toe op die ou einde definitief die "3-D science fiction epic film" soos dit verklaar was.
So op die Altie skaal gee ek die film....wait for it 5 uit 5.
O en wat was die beste deel van Avatar? Celine Dion is nie betrokke by die soundtrack nie...
